Human Rights Day hmang
International Human Rights Day denchhenin Thawhlehni khan Mizoram State Legal Services Authority chuan Gauhati High Court Aizawl Bench hmunah “Public Education and Environment Protection and Conservation Laws, Climate Crisis and Sustainable Pratices” tih thupuia hmangin special campaign an hawng a, 2025 March 10 thlenga hman tur a ni.
Mizoram SLSA member secretary Vincent Lalrokima chuan special campaign hman a nih chhan a sawi a, Campaign hi Gauhati High Court judge Justice Sanjay Kumar Medhi chuan a hawng. Gauhati High Court Aizawl Bench registrar Dr HTC Lalrinchhana, joint registrar Laldinpuia Tlau leh District Legal Services Authority secretary te an tel.
Hetihai hian Thawhlehni khan District Hub for Empowerment of Women (DHEW) leh Women and Child Development Siaha buatsaihin Siaha-ah ‘International Human Rights Day cum 16 Days Campaign on Elimination of Gender Based Violence’ khar a ni a, DCPU NIC protection officer Teddy T Lalnunrema’n India sawrkarin mihring dikna chanvo a ngaihpawimawh zia leh mahni dikna chanvo hriat theuh chu mitin mawhphurhna leh zalenna tifamkimtu a ni tih a sawi a. OSC centre administrator Imelda C Zomuanzuali chuan gender based violence chungchang sawiin hmeichhia hleilenna tuar emaw hmeichhiate dah hnuaihnun chu dan phal loh leh, engtiklai pawha an tan an din reng thu a sawi a ni.
Human Rights Day hmang
