YMA Maubawk Branch-in Aizawl tui lakna bulhnai Tlawng lui an humhalh lai, Reiek kai chhakah a ruka sangha man tumtuten an lenkhang zar ami chu man a ni.
YMA-in an humhalh chhungah sangha man ru an awm tih hriain February 13 tlai dar 4.30 vel khan Ramngaw leh Nungcha Sub Committee hruaitute chuan sangha mantute hi man tumin Tlawngah an tlan thla nghal a. Sangha manru tute hi an lo insaseng hman a, zanlai thlengin chang mah se, sangha mantute hi an lo lan tawh loh avangin man an ni lo.
Sangha – 14 (kg.15vel), lenkhang 3, tube rubber board leh mau pum man a ni a. Sangha manrutute hi man chhuah an nih nan Fisheries department-ah report an ni a, dan angin thubuai siamsak an ni ang.
YMA Maubawk Branch chuan humhalh chhunga sangha man leh Aizawl khawpui tui tlan tibawlhlawh zawnga che thinte chu an dem tih sawiin, man chhuah an nih chuan dan anga an chunga hremna lek ngei an duh tih an sawi. Lui tui, ramngaw leh nungcha humhalhna kawnga PHE department-in an tawiawmnaah lawmthu an sawi bawk.
Humhalh ami sangha man
