Krismas leh kumthar vuakveta boruak muanawm a awm theih nan dan leh thupek kenkawh chungchangah Thawhlehni khan Hnahthialah bawrhsap Chuauhnuna hoin a kaihhnawih sawrkar aiawhte leh khawtlang hruaitute an thukhawm.
Bawrhsap chuan Krismas leh kumthar hlim leh thlamuang taka mipuiin an hman theuh theih nan leh a vuakveta dan leh thupek tha taka kenkawh a nih theih nan kumtin thutkhawm thin a nih thu sawiin, kuminah pawh state level-ah chief secretary hoin neih a lo ni tawh a. Hnahthialah pawh halpuah, halmawi leh silai lem mu nei thlengin khapna thupek chhuah a ni tawh tih a sawi. Chumi thupek bawhzuina kawngah dan kengkawhtute chu theihtawpa tan lakpui turin a sawm tih a sawi a ni.
Hunpui vuakveta boruak muanawm tak a awm theih nan tul leh pawimawh sawiho niin, addl SP Albert Lalnunpuia’n police inpuahchahna a sawi a. Khawtlang hruaitu aiawhte pawhin kum hmasa lama an hmalak tawhna leh boruak thalo awm palh thei laka inven dan tur tha leh tul dangte an sawi a ni.
Hunpui lai thlirlawk
![](https://theaizawlpost.org/wp-content/uploads/tap_logo-min-large.jpg)