HUNTRIX “Golden” a la lar ber
KPop Demon Hunters soundtrack HUNTRIX “Golden” chu Billboard Global 200 chart-ah a No.1 a, he chart-a kar 10 a No.1-na a ni ta. Hetihrual hian Olivia Dean “Man I Need’ pawh top 10-ah a lang e.
HUNTRIX “Golden” hi July thla khan a vawi khat nan a rawn No.1 a, HUNTRIX tana aw thawhtu EJAE, Audrey Nuna leh REI AMI te tan he chart No.1-a an lan vawi khatna theuh a ni. Billboard Global 200 chart hi September 2020 atanga an tih tan chauh kha a la ni a, ‘Golden’ hi he chart-a No.1 ni thei hla 72-na a ni bawk.
KPop Demon Hunters soundtrack hi a lar riau a, chart top 10-a hla panga chu he animated film soundtrack niin, kar nga chhung chu chart top 10-ah hla panga a la nei ziah a. “Golden” bakah hian Saja Boys ‘Soda Pop’ chu No.3 niin, Saja Boys ‘Your Idol’ chu No.4 a ni a, Saja Boys tana aw thawhtute chu Andrew Choi, Neckwav, Danny Chung, Kevin Woo leh samUIL Lee te an ni. HUNTRIX hla dang ‘How It’s Done’ chu No.6 niin, HUNTRIX ‘What It Sounds Like’ chu No.8-ah bawk a la awm.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music servuces) leh download sales te chu tehna pawimawh a ni.
HUNTRIX “Golden” hian kar khat chhungin stream maktaduai 111.8 leh sales 16,000 a la nei thei a, hei hi a kar 10 nan chart-ah a No.1 pui leh ta a ni.
Chart top 5-ah KPop Demon Hunters soundtrack ni lo hla dang pahnih chiah a lang a, chart No.1 hlui, kar 10 No.1 ni thei Alex Warren ‘Ordinary’ chu No.2-ah bawk la awmin, sombr ‘Back to Friends’ chu No.7 atangin No.5 a kai ta bawk.
Olivia Dean ‘Man I Need’ chuan stream maktaduai 34 leh sales 4,000 neiin, No.16 atangin No.9 a kai a, he chart top 10-a a lan vawi khatna a ni.
Billboard Global 200 Top 10:
1 Golden – HUNTR/X: EJAE, Audrey Nuna & REI AMI
2 Ordinary – Alex Warren
3 Soda Pop – Saja Boys: Andrew Choi, Neckwav, Danny Chung, Kevin Woo & samUIL Lee
4 Your Idol – Saja Boys: Andrew Choi, Neckwav, Danny Chung, Kevin Woo & samUIL Lee
5 Back To Friends – sombr
6 How It’s Done – HUNTR/X: EJAE, Audrey Nuna & REI AMI
7 Tears – Sabrina Carpenter
8 What It Sounds Like – HUNTR/X: EJAE, Audrey Nuna & REI AMI
9 Man I Need – Olivia Dean
10 Die With A Smile – Lady Gaga & Bruno Mars
HUNTRIX “Golden” a la lar ber
