US a Florida state chu thlipui na tak, ruahtui tam tak keng tel Hurricane Milton chuan thleng tawhin, he thu buatsaih lai thleng hian mi paliin nunna an chan tawh.
Thlipui hian nilaini khan Florida chhak lam atangin state chhung hi a rawn nuai tan a, thawk na chho zelin, mi nuai thum chuang zette chenna hmun chu a luhchhuah tawh.
Ningani khan mi sing riat chuang chuan an chenna leh sumdawnna hmunte chhuahsanin, hmun him zawk an pan tawh niin state thupuangtute chuan an sawi a. Thlipui hi a thawk na hle niin an sawi.
Hurricane Milton hi category nga thlengin a chak chho dawn nia sawi niin, a thawh nat hun tur hi lei hrulah zel a nih avangin chhiatna a thlen tam thei hle dawn nia sawi a ni a, chhiatna a thlen thulha biak pawhna tur leh chhanchhuah hnathawktute chet vel dan tur inruahman an neih that tawk thu thuneitute chuan sawi mah se, a hun a thlen meuh chuan chet lak a harsa chho hle niin report thenkhat chuan an tarlang bawk.
Hurricane Milton vangin mi pali in nunna chan tawh
