Hydel Project pasarih mi dang kutah
Mizoram sorkarin hydel project pasarih mi dang kuta hlan a tum a, “Mizorama hydel project pasarihte hi mi dang kutah tender thlapa hlan tum a ni,” tiin power minister-in House a hrilh.
Budget Session tawp ni, Thawhtanni khan Aizawl West III bialtu VL Zaithanzama zawhna, ziaka chhan chi chhangin power & electricity minister F Rodingliana’n hydel project pasarih mi dang kuta hlan tum a nih thu hi a sawi a ni.
Mizoram sorkarin lui khuah a tumte pawh a sawi a, Tuirini (MW24), Tuivai (MW132) leh Tlawng (Lungleng), MW 120 sia theihna turte a sawi.
Mizoramin a mamawh san lai bera kawlphetha a mamawh zat chu MW 181.62 a nih thu a sawi bawk.
Mi dang kuta hlan turte
1. Serlui ‘B’ SHP – MW 12
2. Tuipanglui SHP – MW 3
3. Maicham-I – MW 2
4. Maicham-II – MW 3
5. Serlui ‘A’ – MW 1
6. Tuipui – KW 500
7. Tlawva – MW 5
Hydel Project pasarih mi dang kutah
