I duh deuh khan ngaihzawng a lo neih tawh si chuan…
Hmangaihnaah thinglung hian ramri kham chin hi a nei hleithei thin lo a, midang nena lo inkawp nghet tawh te zûnah pawh uai theih ve tak mai a ni. A nih leh chutiang chu lo ni ta se engtin nge i tih ang? Thinlung na ru teuh chungin i thu kun reng mai dawn em ni? A nih loh leh i rilru na thawi dam tumin i rui chhum hmawk mai zawk dawn em ni? I duh phawt chuan khatiang i duh dan ni lo khan, a tha zawngin i awm thei a nia.
Tun tumah hian relationship lama mithiam ten kan duh deuh ten ngaihzawng nghet an lo neih tawh palh a tihdan tur tha ni a an sawi te kan rawn tarlang e.
Ani chu pumpelh tum hram hram rawh. Kan duh ruk deuh te nen hian kan intawng thei riau lehnghal a, veng khat in ni emaw, i thawhpui a ni emaw, in thenawm hnai an ni emaw, pawl khatah in awm ho emaw pawh a ni thei a, chutiang a nih phei chuan in intawng ngun dawn. Mahse, ani hi midang tan a awm tawh si chuan a tlem thei ang ber hmuh tum la, biak tam loh a tha a, ani chu pumpelh dan zawng thin ang che. Chuan, pawimawh leh deuh chu, ani chu melh-lerh loh hram i tum dawn nia, a pawi thin!
In inbiak a tul emaw, thil eng emaw intih dun a tul a nih pawhin lai vel tit tet suh, pangngai taka awm tum ang che. A bula i awm a, i lai a, mak deuh deuh a i che vel a nih chuan dik lohna eng emaw deuh neiah a ngai palh ang che.
I rilru lakpenna tur ngaihtuah rawh. Hei hi a tam thei ang ber tih tum rawh, tihdan pawh tam tak a awm. Hobby thar te nei la, zin kual vel mai mai te pawh a tih chi viau a, thian kawm tam la, lehkhabu chhiar te, thil eng emaw zir te pawh a tha hle. Ani chu i ngaihtuah loh theihna tur tih tur zawng thiam ang che.
Social media lamah ani chu umzui suh, social media-a a chanchin i ngaihven a, i umzui khan engmah hlawkna i nei dawn lo va, i natna belhchhah tu mai mai a ni ang. Facebook-ah unfriend la, a nih loh pawhin unfollow la, tichuan a tag post te i feed-ah a lang lo ang.
I duh deuh khan ngaihzawng a lo neih tawh si chuan…
