I hmai leh sam tan serthlum kawr
Serthlum thatna kan rawn tarlang tawh a, tunlaiin serthlum a awm leh tan ta bawk a, hmai leh sam tana a thatna ni a an sawi te tarlang ve leh thung ang. Vitamin C pai hnnem ti a hriat lar serthlum hi taksa hriselna mai piah lamah natural skin-care product tha tak a lo ni.
Serthlum-ah chuan vitamin C leh citric acid a tam hle a, chu chuan taksaa collagen a siamtha thei. Collagen chu vun ti mar tu leh vun upa tur vengtu a ni. Citric acid chuan upa vanga hmai vun chuar leh in rin deuh riak riak awm tur te a veng a, vun a ti nemin mi a tilang naupang thei. Vuna cell thi tawh te a tifai a, vun tifaiin vun kuaa hnawttu awm te a tifai thei a, arngneng awm tur te pawh a veng thei.
Serthlum-ah hian Vitamin A pawh a awm a, Vitamin C nen ni zung hlauhawmin vun a tihchhiat te siamtha lehtu tha tak an ni a, vun cancer vengtu tha tak a ni. Vun a ti hnawngin a timam thei bawk.
Serthlum i khehna kawr chu chi (salt) tuiin sil fai a, rawt diak rawh. Chutah chuan yogurt (dahi) chaweinaa hman chi thirfian khat telh la, lemon tui sawr tlem leh khawizu thirfiante khat nen chawhpawlh ang che. I hmai chu tui lum pep pepin phih fai la. i thil siam chu i hnawih dawn nia. Darkar khat vel chiah la, tui vawtin i phih fai leh dawn nia. Hetia i tih hian i hmai vuna cell thi te a tihfai bakah thil bal dang awm te a tifai nghal ang a, i hmai vun a ti marin a ti nem bawk ang. I hmai i phih fai hnu lawkah a khawro lutuk loh nan face cream pan tein i hnawih dawn nia.
Serthlum tui chu sam tan pawh a tha hle a, sam mawm leh luphut tan damdawi tha tak a ni. Serthlum kawr chu rawt sawmin hair pack atan hmang la, chu chu i sam tan conditioner tha tak a ni a, i lu vun a tifai dawn a ni.
Serthlum i khehna kawr chu a chhunglam khan i vun te an hru la, chu chuan i vun a ti mar sawt ang.
I hmai leh sam tan serthlum kawr
