I incheina i hnungzang tikham theitu
Hnungzang nakham deuh i nei thin em? A chhan tur awm i ngaihtuah a, i ngaihtuah chhuak thei bawk si lo. I incheina vang kha a lo ni reng thei tlat mai. Kan nitin incheinaa kan thawmhnaw inbel te hi hnungzang na leh kham thlen theitu te an lo ni reng niin Times of India health section chuan a tarlang.
Kawr tight lutuk leh taksa phuar tang mai i hak khan i hnungzang nerve-ah compression a siam a, i kawng ruh che vel tur a tibuai thei bawk, chu chuan i hnungzang ruhah pressure a siam ta a, i hnungzang na leh kham a lo awm theih phah ta a ni.
Hmeichhe tan pawnfen zuih deuh tak mai i feng a, i khup pahnih kha a phuar khawm deuh chaih a nih chuan chetvel vel a harsa thin. A lo rei hnuah chuan tihrawl leh thain a tuar a, pulled muscle leh disc tha lo te a thlen thei.
Skinny jeans kan uar ta hle. Jeans tight mar tang maiin kan ha a, kawngbawr, mawngbawr, malpui leh chawn thlengin a inhreng mar tang mai a, chu chuan ruhchuktuah a tikham thei. Jeans tight taka hak bakah a mawnglam ipteah wallet emaw phone emaw kan ak leh a nih phei chuan kawng bawr a tibuai hle a, chu chuan kawng leh hnungzang na leh kham a thlen thei thin.
Hmeichhe tan bag lian tak tak ah hi fashion-a a ‘in’ riau lai a awm a, mahse, kan bag ah a len chuan a chhungah thil kan lo dah tam nge nge thin. Kan bag ah a rih chuan kan koki lehlam leh taksa pangkhingin rihna a la hnem ta bik a, chu chuan hnungzang na leh kham a thlen thin.
Hmeichhe tan pheikhawk keartui sang bun hi a nalh riau si a, kan la bun zel dawn, mahse, kan ke tan a that loh abkah hnungzang na leh kham a thlen theih bakah mkalpui tihrawl tan a tha lo a, khup ruh na te pawh a thlen thei. Ke a thui deuh hlek kal ngai tur chiah phei chuan pheikhawk mawi leh nalh aiin a bun nuam thlang zawk ang che.
Hmeichhe tan i bari thenna kha a pawimawh riau a nia, a sir deuha bari then kha a mawi zawk a ni mai thei, mahse, kan samin a uai rihna lamah hian kan thle nasa deuh nge nge a, chu chuan nghawng khan leh hnungzang kham a thlen ve thei tlat.
I incheina i hnungzang tikham theitu
