Hmaihnawih lam siamtu company hrang hrangin i vun ti ngo-na tura tha nia an sawi sahbawn atanga cream hrang hrang an chhawp hnur a, mahse, heng zingah hian eng nge i vun mil tur tih i hriat loh chuan awmzia a awm tak tak lo. A pawimawh ber chu engvanga i vun kha lo thim a, lo vuai ta nge tih i hriat hmasak a ngai a, chu chu i darthlalang bula skin-whitening product chi hrang hrang rem khawm dul aiin i hlawkpui zawk ang.
Company kutchhuak ni lo, siamtu kutchhuak, side effect nei bawk si lo, vun tih ngo nana tha ni a Times Of India health section-in a tarlan te kan rawn chhuah chhawng ve leh a, lo ti ve chhin la, i hlawkpui ngei kan beisei.
1. Kumin chu serthlum a tam bawk a, hei hi chhawr tangkai rawh. Serthlum i khehna, a kawr kha paih mai lovin ni sa hnuaiah phoro la, amah hnawng awm zawng zawng a ro vek hnu, a ram deuh rap thlengin pho ang che. Chumi hnuah rawt dip hlarh la, bawnghnute-in chawk diak la, i hmai leh nghawng velah i hnawih thin dawn nia.
2. Oatmeal thirfiante khatah tomato juice leh bawnghnute tih thur (yoghurt) pawlh la, chu chu i hmaiah hnawih rawh. Oatmeal chuan i vun-a cell thi tawh te a paih ang a, tomato juice chuan i vuna mawm chhia awm te a hip ang a, chutihrualin yoghurt chu i vun moisturiser a ni thung ang.
3. Bawnghnute powder thirfinte khat, lemon juice thirfiante khat, khawizu thirfiante chanve leh almond oil thirfiante chanve te chawhpawlh la, chu chu i hmaiah hnawih la, minute 10-15 vel i chiah hnuah tuisikin phiah fai leh rawh. Hei hian vun a tinêmin a ti no duh hle a ni.
I inti-ngo duh em?
