I kawppui kha a hahna te hriatthiam sak rawh

I khawppui khan taksa leh rilru lamah hahna a nei thin a, a hah a ni tih hriat sak kha a tha a, mahse, a tawk mai lo, a dinhmunah indintir la, a hrehawmna leh hahna te hriatthiam sak ang che. Chu chu i tihtheih chuan in inlaichinnaah rah tha a chhuah ngei ang.
Relationship lama mithiam ten zirchianna an neih journal Psychological Science-a an tarlan danin, kan kawppui te dinhmuna indin tir a, an thlirna atanga thil thlir thiam hi inlaichhinna tinghettu pawimawh berte zinga mi niin an sawi.
A rilru a hah tih i hria a, a rilru a hah tih i hre thei kha a tha viau, mahse, a tawk lo, a dinhmunah indin tirin a natna leh hahna te chu hriatthiam sak tum la, chu chuan a harsatna sutkian dan tur pawh i tan hriat a tiawlsam dawn a ni.
Taksa leh rilru a hah a, kan inhriatthiam tawn si loh chuan nupa karah inhauhna thlentu tam ber te zinga mi a ni. Kan inhriatthiam loh fona chhan pawh keimahni thlirna atangin an harsatna leh natna te chu kan lo en thin vang a ni. Chutiang ni loin, an dinhmunah indintir ila, an chan chu keimahni chanah indah chhin ila, chumi atang chuan inhriatthiam tawnna tha zawk a lo piang thei a, kan harsatna te sutkian dan tur pawh hriat a awlsam bik a ni.