Nupui te hian pasal te hriat lohin bank account hran neih a pawi em? A ruka engmah tih neih loh hi nupa hlim taka awm theihna kawng awlsam ber niin an sawi. Mahse, a hmei apain kan kawppui lak atanga zêp ruk eng emaw chu kan nei deuh vek lawi a. Mahse, kan thil zêp thenkhat hi chu kan inkar ti pawi thei ni lo a ngaih te an ni awm e.
Hmeichhe thinlung chu thuruk bawm a ni e, ti te pawhin an sawi thin a, Britain-a mithiam te zirchianna neih hian a nemnghet viau mai. Zirchianna an neihnaa pasal nei tawh maktaduai 4.5 te chuan an pasal te hriat lohin bank account an nei hrang a- ‘kan inthen palh takin’ ti a thlavenga an neih an ni deuh vek bawk.
Hetianga a pasal te hriat loha bank account lo neih hi a chhan hrang hrang a awm thei a, a tha tih leh tha lo tihah pawh ngaihdan a hran thei viau ang. Mahse, thil chiang tak pakhat erawh a awm, ‘inthen palh takin’ tih thu a a ruka lo inkhawl vel hian inthenna kawng kan zawh sa reng a ni tawh zawk, tiin relationship lama mithiam te chuan an sawi.
A ruka thil tih tula kan hriat chuan kan inring tawn lo tihna a ni chuan, kan inkarah ‘communication gap’ a awm tihna a ni thei a, chu chu relationship a thil pawi tak a ni. A ruka kan thil tih te hriat chhuah a nih leh si hian chhiatna min thlen zawk hlauh thei a, chuvangin engkim tlang takin, zêp ruk tet tet awm lova chen ho hi hlimna a ni zawk.
Engpawh nise, pasal te hriat loha secret account neih tula i hriat chuan, i inneihna chu fixed deposit ni tal rawh se.
I pasal lakah zêp ruk nei suh
