Hun hman that bik riau chang i nei em? Dolly Parton ngaihtuah la, chung i hun hman that bik riau chang chu han chhut neuh neuh teh.
Kum 1973 kha a ni a. inspiration nei thutin a thu a, hla mawi chungchuang a ziak chhuak zui ta mai a ni.
A hla ziah hmasak chu Jolene tih niin tun thlenga la lar em em niin Parton nena lakhran theih loh a ni a. A hnuah hla chuai thei lo I Will Always Love You a ziak zui ta a ni.
I Will Always Love You hla chu kum 50 kalta tun kar angah hian tihchuah niin mi tam ber ten Parton hla phuah a ni tih an hre hauh lo. Whitney Houston in kum 1992 khan The Bodyguard movie soundtract atan a sak chuan he hla hi a vawrh sang zual zui a ni.
Parton Instagram post ah chuan, “Nangmahniah pawh awmze thuk tak a neih ka rin ang bawkin ka thinlungah pawh hmun pawimawh a luah a ni” tiin Parton chuan a sawi , a post reply tu pakhat chuan, “I hla a ni tih reng reng ka lo hre hauh lo” a ti zui a ni.
I Will Always Love You hi Elvis Presley meuh pawh khan nalh ti em em in sak a tum a ni a, mahse, inremna an siam theihloh avangin a sa lo thung a. Vawiin thlengin he hla atang hian Parton chuan sum tam tak a la lut zui reng a ni.
Bul tanna khirhkhan
Kum 1964-ah Tennesse khawchhak lam atangin school a bansan hnuah Nashville a pan a, Parton chuan singer-songwriter angin hlawhtlinna chhete te chauh a nei a. Mahse, zaithia Bill Phillips nena a hla Put it Off Until Tomorrow an sak dun chuan danglamna a siamsak ta a ni.
Country star Porter Wagoner chuan Parton chu a TV show a zai turin a sawm nghal a, chumi hnuah album a siam theih nan contract a ziahpui zui ta a ni.
Parton single hmasa ber chu Tom Paxton hla The Last Thing on My Mind tih chu niin Wagoner nen an duet dun a. Kum 1968 khan country top 10 ah a inhlangkai a, chutak chu musical partnership turu tak an bultanna chu a ni zui ta bawk.
Mahse 1973 a nih meuh chuan Parton chuan amaha kal hran duhin ‘Star ni turin Nashville a kal ka ni” tiin kum 2023 khan DH Howard Stern interview neihnaah a sawi a. “Hmasawn mamawhin ka in hria a, girl singer nih ringawt chu tawkin ka hre lo. Ka tui leh chakna ka tih ngei ngaiah ka ngai a ni” tiin a sawi.
Wagoner kalsan chu a hreh thu sawiin alaka a thatna te a pawimawhna zawng zawng te chu ka hmaih hauh lo mahse ka kalsan a ngai tih ka hria a ni, tiin a sawi zui bawk a. “Ngun takin ka ngaih tuah a, eng nge ka thatna leh thiamna ber? Hla phuah a ni a, ka thu a, hla ka phuah a ni” tiin a sawi.
Chuta tang chuan I Will Always Love You- lungrun taka lawmthu sawina ni bawk si chu a lo piang ta a ni. A tukah Wagoner office ah ka kala tia sawiin Parton chuan, “A office-ah ka guitar perhin he hla hi ka sa zui a ni” tiin Stern chuan a sawi a.
Dawhkan phenah a mittui a luang zawih zawih, “Kha kha i hla phuah tawha la tha ber a nih kha” tiin min hrilh a, “Kha hla kha ka produce i remtih chuan min kalsan thei ang min ti a ni” tiin a sawi.
Financial Times’ Life of a Song column ziak thin Marc Lee chuan hla danglam tak a nih thu sawiin, “A mawina em em chu in thenna na tak a nih rualin emotional bond la awm bawk si chatuan daih tur sawina a ni tho si a ni” tiin a sawi.
Hun a kal a, Parton hla ziah pahnih te chu US-ah country single number one an ni ve ve a, mainstream pop audience lamah a lut thuk ta.
|um khat chu Elvis Presley-a’n phone-a bia in, I Will Always Love You chu record a duh thu a hrilh a. “Ka phur zia chu sawiin a siak lo” tiin Parton chuan a sawi a, “Songwriter ka nihna anga ka chung thil thleng ropui ber niin ka hria” a ti zui bawk.
Mahse Elvis-a’n a record dawn hma zanah chuan a manager Colonel Tom Parker chuan Partin chu biain Presley chuan songwriting right atanga sum hmuh zahve a pe lo a nih chuan a record dawn lo tiin a hrilh a. Amaha dinchan ngei duha khauh taka Wagoner a kalsan ang chiahin Parton chuan huaisen takin, “Ka thei lo” tiin a chhang ta a ni. “Mahse, zankhuain ka tap” tiin Parton chuan a sawi.
Elvis Presley ang lar turu lutuk hnar ngam a nihna chuan a hnuah Parton chu hlawkna a pe ta zawk a. Kum 1975 khan Parton-in I Will Always Love You a release hnu lawkah Lawrence Kasdan chuan The Bodyguard screenplay a ziak a, he movie hi ex-Secret Service agent chu amah ruaitu pop star nena an inngaihzawn dan vel a ni.
A hnu kum 17 daihah Kevin Costner leh Whitney Houstoin, real-life pop megastar te chuan kum 1992 khan bid screen ah I Will Always Love You chu soundtrack atan an hmang ta a ni.
Kevin Costner chu Houston hnena country hla sa tura nawrtu tia sawi a ni a, ruahmanna siam niin chung zingah chuan Linda Ronstadt in kum 1975 a Parton hla a sak te pawh ngaihtuah tel a ni a. Mahse, producer David Foster chuan Houston ngei chuan sa se a ti ta a ni. Acapella a bul tana a tawpa turu taka khar te pawh Costner rawtna anga kalpui a ni a, Houston chuan power ballad angin turu takin a awin a zir bawk nen a chhuah ta a ni.
Dolly Parton pawhin Stern an a kawmnaah Houston in a hla a saksak