Iceland-ah tlangkang mai theihna chu a sang tial tial a, rauhsan tawh khua tan a hlauhawm hle dawn niin mithiamte chuan an sawi.
Iceland chuan lirnghing a tawn fo hnuah ram pum huapin emergency a lo puang lawk tawh a.
Thuneitute chuan chhim thlang lama grindavik khuaa chengte chu an khua chhuahsan turin an lo ti tawh a ni.
Iceland Meteorological Office (IMO) te chuan tlangkang awm theihna a sang hle tawh tiin an sawi a.
Reykjanes peninsula a tlangkang awm theihna chu a sang hle tawh a ni tiin IMO te chuan an sawi a. Ni hnih thum hnu lawkah tlangkang irhchhuak mai thei a ni tiin an sawi bawk.
Thor Thordason, professor of volcanology, University of Iceland chuan peninsula hnuaia river og magma chu 15km velah active takin a awm mek tiin a sawi bawk a.
“Hei vang hian a nia irhchhuak mai thei reng kan tihna chhan ni. Tlangkang irhchhuah theihna hmun awm ang ber ber chu Grindavik ramri bulah vek a ni,” tiin a sawi bawk a.
Fagradalsfjall volcano bul hnaiah tun hnaiah lirnghing tenau a thleng reng bawk a. Heng lai hmun hi tlangkang awm thinna niin kum 800 vel a ngawih hnuah kum 2021 khan a irhchhuak leh a ni.
Iceland hi khawvela tlangkang tamna ber pawl ram niin active volcano 30 vel lai nei reng ang a ni a.
Tlangkang hi magma, lung chang aia zang si te leilama a rawn invawrh chhohin a siam a ni a.
July thla khan Fagradalsfjall area a Litli-Hrutur, or Little Ram chu a lo kang tawh bawk a. He tlangkang hi kum za bi riat zel a ngawih reng hnuah kum 2021, 2022 leh 2023 khan a irhchhuak leh chauh a ni.
Iceland-ah tlangkang awm theihna sang zel
