ICFAI University Mizoram vice chancellor thar Prof Dr Bijay Singh leh registrar Dr David Lawmzuala chuan Zirtawpni khan larsap Hari Babu Kambhampati chu Raj Bhavan-ah hmu in, ICFAI kalpui dan leh an hmachhawp an sawipui.
Larsap chuan ICFAI University Mizoram-in course hrang hrang a zirtir mekte chu tha a tih thu a sawi a. Skill development leh vocational education huangah tan lak a ngai tih a sawi. Teaching faculty-te chu tan la chhunzawm tura fuihin zirlaite hnenah state pawnlama hna hmuh theihna tura thiamna zirtir turin a chah. ICFAI Mizoram-in hma a sawn zel theih nan a tul chuan tanpui a inpeih reng tih a sawi bawk.
ICFAI Mizoram vice chancellor thar hi Nilamber Pitambar University, Medini Nagar Jharkhand vice chancellor hlui a ni. ICFAI Mizoram hian NEP 2020 an hmang tan tawh a. Tunah hian course 12 an kalpui mek a. Zirlai 630 an nei a ni.
ICFAI VC-in larsap hmu
