IG-ah Modi-a’n follower mtd 100 nei tling, Trump-a let hnih aiin tam

IG-ah Modi-a’n follower mtd 100 nei tling, Trump-a let hnih aiin tam
Khawvel ram hruaitu lian zingah Narendra Modi chu Instagram-a follower nei tam ber a ni a, maktaduai 100 a nei tling ta a. US President Donald Trump aiin a let hnih aia tam a ni.
US President Trump chu tunah hian pahnihna a ni a, Instagram-ah follower maktaduai 43.2 a nei. President hian a bik takin a social media platform Truth Social chu thusawi, chhanna leh thil dang tam tak atan a hmang ṭhin.
Modi-a follower zat hi a hnuaia ram hruaitu follower ngah panga belhkhawm aiin a tam zawk.
Indonesia President Prabowo Subianto chuan follower maktaduai 15 a nei a. Brazil President Luiz Inacio Lula da Silva chuan follower maktaduai 14.4 a nei a. Turkey President Recep Tayyip Erdogan chuan follower maktaduai 11.6 a nei a, Argentina President Javier Milei chuan follower maktaduai 6.4 a nei a. Heng belhkhawm aiin Modi follower an tam zawk.
Modi-a hi kum 2014-a account a siam aṭang khan a Instagram-ah follower a ngah tan nghal a, kum 12 kalta chhung khan he account hi khawvel hruaitute zingah digital space ngaihnawm ber pawlah a thang chho niin news agency PTI chuan official-te thusawi aṭangin a tarlang.
India ram hruaitu zingah Modi-a dawtah Uttar Pradesh chief minister Yogi Adityanath-a’n a zui mek a, social media platform-ah follower maktaduai 16 a nei a, eptu hruaitu Rahul Gandhi a hnungtawlh mek a, follower maktaduai 12.6 zet a nei bawk.
Statistia chhinchhiah danin, Modi hian approval rating 70% a nei a, December, 2025 thleng khan a ni a, khawvel ram hruaitu zingah a chung berah a awm.
A hnungah hian Japanese Prime Minister Sanae Takaichi chuan 63% a hmu a, Argentina hruaitu, Javier Milei chuan 60% approval rating a hmu bawk.
Trump hian index-a a lan danin rank 11-na a hauh a, 43% chauh a hmu.
US-a business intelligence firm, Morning Consult-in data set dang a tihchhuahah chuan Modi chu 67% approval rating neiin pakhatna a ni tih a sawi a, hei hi February 2 leh February 8, 2026 inkara data an lakkhawm aṭanga a lan dan a ni.