Sairang thlenga rel a rawn luh dawn avangin sawrkarin inner line permit (ILP) check dan turah ruahmanna fel zawk nei se Mizo Zirlai Pawl chuan a duh a, hemi ang hian hma lak zui a tum.
MZP Gen. Hqrs. thuchhuak chuan, MZP rorelna sang – Federal Council Sitting-in a lo rel tawh bawhzui dan tur siam a ni a. Sairang thlenga rel a lo luh thuai dawn avangin sawrkarin ILP check dan turah ruahmanna fel zawk a siam theih nana hma lak; School Education department bik enkawltu tur Mizoram Education Service (MES) neih theih nan chak taka hma lak; Mizo zirlaite ruihhlo laka kan fihlim theih nana hma lak te a tel.
Ram pum huap ‘career awareness’ neih a nih theih nana hma lak; Mizoram zirnain hma a sawn theih nan, tuna hman mek kan syllabus hi zirchiana a tul anga hma lak; sumdawnna leh inchimralna kawnga Zofate kan him tlan theih nana zirchian leh inhrilhhriat (awareness campaign) neih a, a tul anga hma lak; Mizoram ‘Schedule Tribe’ list ennawn a nih theih nan chak taka hma lak, tih te a tel bawk.
MZP inkhawmpui lian – Assembly 2024 thlen dilna lut ngaihtuah a ni a, kumin MZP Assembly thleng turin MZP Hqrs Champhai hnuaia MZP Branch Tlangsam thlan a ni.
ILP enfiah zel dan turah ruahmanna fel zawk ngen
