Naupang bul hnaia meizial zuk a pawi khawp mai, mithiam ten zirchianna an neih tharah chuan In chhunga mei zu \hin awmna chhungkuaa naupang te chuan an hriselna lamah harsatna an thawk duh bik niin an sawi.
U.S. Centers for Disease and Control Prevention’s National Center for Health Statistics-in National Survey on Children’s Health an neih a\anga data 2011-201 behchhanin mithiam ten zirchianna hi an nei a, nau pianghlim a\anga kum 17 inkar te chu an health care utilization an chhuibing a, chuta \ang chuan meizu mi awmnaa cheng naupang te chuan meizu mi awm lohna chhungkua a naupang te aiin doctor an pan ngun zawk tih an hmuchhuak ta a ni.
Zirchiannaah hian naupang 95,677 te data hman a ni a, chu chuan US-a naupang maktaduai 17.6 te dinhmun a hril niin an ngai. Zirchianna neitute chuan meizu chenpui nei naupang te chu an dam lo ngun zawk tih an hmuchhuak.
Zirchianna a an hotu University of Cincinnati a mithiam Ashley Merianos chuan, In chhunga meizu \hin awmna chhungkuaa naupang te chuan pediatric emergency department an pan ngun bik niin a sawi a, chutih rualin eng natna te nge an neih nasat zual duh tih erawh an tarlang lo thung.
He zirchianna chungchang hi Pediatric Academic Societies 2016 Meeting-ah chhawpchhuah a ni.
In chhunga meizial khu chambang naupang tan a pawi
