Border Security Force (BSF) chuan Bangladeshi paruk, a ruka dan lova East Jaintia Hills, Meghalaya-a Indo-Bangladesh ramri kân tumte chu Ningani khan an man tih police-in an sawi.
172 Battalion sipaite hian an tihdan thin pangngaia ramri leh a chhehvel vil leh beihpui an thlaknaah rinhlelhawma chetna an hmu a, an bawhzui ta niin BSF Meghalaya Frontier public relations officer (PRO) chuan a sawi.
An mi mante hi Bangladeshi vek an ni a, thla rei vak lo kal taah khan dan lovin India-ah an lo lut tawh a, Bangalore-ah a tul tul thawkin an inhlawh a. “Bangladesh-ah kawng pangngai leh tih dan phung pangngai zawh lova kir leh an tum a ni,” a ti.
An mi mante hi hmeichhia pahnih, kum 26 leh 23 mi, mipa naupang kum hnih leh kum sarih mi, hmeichhe naupang kum ruk leh kum 11 mi an ni.
An mi man leh an thil neihte chu Umkiang Police Station-a police hnenah a tul ang bawhzui leh chhui zui turin an hlan a ni.
Indi-Bangla ramri kân ruk tum Bangladeshi paruk man
