Australia leh India chuan Ningani khan nuclear energy industry-a hman atan India-a Australian uranium thawn chhuahna tur inremna an siam a. Hman nawn theih power, leilung hausakna pawimawh bik leh green hydrogen-a thawhhona thuk zawk siam an remti bawk.
India hian hun rei tak chhung chu Australia-in uranium a neih chu kum 2047-a nuclear energy capacity gigawatt 100 siam a tumnaah ra a target pui turin a lo thlir tawh a, Australia erawh chuan a thawhpui ber, China-a nena insumdawn tawnna atana hman atan a lo ti ve thung thin.
Australia Prime Minister Anthony Albanese-a chuan an ram tlawhtu, Indian Prime Minister Narendra Modi-a nena inremna an siam hnua Ningania Melbourne-ah thuthar thehdarhtute a kawmnaah, “Australia leh India hi thawhpui hnai tak leh thian hnai tak an ni,” a ti.
“Ruahmanna hian Australia-in India-a uranium thawn a tiawlsam dawn a, hei hian non-fossil fuel power siam tihpunaah pui dawn a, Australian resources sector tan inzawrhna dang a siam belh ve dawn a ni,” a ti.
Kum 2014 khan ram pahnihte hian nuclear-a thawhhona thuthlung an siam chu pawm mah se nuclear fuel chu a muanawm zawng chauhva hmana energy siam chhuah nan hman a nih theih nan ngaihtuahna a awm avangin uranium thawn chhuah hi a tlem hle tho.
Modi-a chuan Ningani khan India leh Australia inlaichinna chuan ram pahnihte tan kawng hrang hranga thawhdunna tur ‘chhinchhiahtlak remchang’ a siam tih a sawi.
Australian technology, sum leh resource te chuan India-in energy a hman inthlak mek a tichak thei dawn tih Modi-a chuan a sawi a. Carbon tlem chi aluminum project-a thawhhona awm theih tur thu a sawi bawk.
Modi-a chuan Australian sumdawngte chu India-a kawngpui, lawng chawlhna, rel leh khawpui dinna kawngah sum thawh (invest) turin a ngen bawk a. “India hian in sum hmasawnna tur him leh nghet a pe ang che u,” a ti.
Australia-a pension fund lian ber, AustralianSuper chuan Ningani vek khan India-a National Investment & Infrastructure Fund-ah hian A$ maktaduai 500 a invest leh dawn tih a sawi.
Business event-a Modi-a a hmuh hnuah Albanese-a chuan Indian hruaitu hi Australia leh India inkara ‘lei dam lai (living bridge)’ tiin a sawi a, Modi-a hmathlir chuan Australia-in India nena eibara inpawhna a neih theihna tur kalkawng thar a siampui niin a sawi.
India hi China, Japan, US leh South Korea dawta Australia-in a sumdawnpui lian ber a ni a, Australia-ah hian Indian thlah maktaduai khat vel an awm tih a sawi a, mihring maktaduai 28 cheng zinga pakhat zel ang vel an ni.
Modi hian kum 2023 khan Australia a lo tlawh tawh a, Ningani tlai khan Melbourne-a khelmual lian ber pakhatah Indian awmte a kawm nghe nghe.
Indian hruaitu hian ram pawna a zin chhung hian thil lian tham tak tak a buatsaih a, Britain, US leh ram dang, ram pawna Indian awmte nen an inkawm thin bawk.
Kum thum kaltaa a tlawh tum khan Sydney-a indoor stadium lian ber pakhatah pawh Indian-te hun a hmanpui tawh bawk.
Modi-a hian Indonesia a tlawh hmasa tawh a, hetah hian lo neihna leh ram venhimna thilah inremna tam tak an ziak a, BrahMos cruise missile system siamna tur pawh an ziak tel a. Zirtawpni chawhnu hian New Zealand a pan leh ang.
India-a Australian uranium thawn luhna tur inremna ziak
