India-a billionaire naupang ber Srinivas
Chennai a piang, Aravind Srinivas, kum 31, chu India-a billionaire ni thei naupang ber niin M3M Hurun India Rich List 2025-ah a vawi khat nan a lang. Aravind hi AI startup Perplexity founder leh CEO a ni a, a hausakna hi cheng vaibelchhe 21,190 angin an chhut.
Aravind Srinivas hi June ni 7, 1994 khan Chennai-ah a piang a, IIT Madras atanga zirchhuak niin, 2021 khan UC Berkeley atangin Computer Science-ah Doctorate doctorate degree hmuin, OpenAI, DeepMind leh Google-ah te a thawk tawh a, DALL-E 2, HaloNet leh ResNet-RS project-ah te pawh a thiamna a lo thawh tawh. August 2022 khan AI-powered chat search engine Perplexity AI an din a, hei bakah hian ElevenLabs leh Suno startup-ah te pawh a invest bawk.
Aravind Srinivas hi a vawi khat nan billionaire niin Hurun list-ah hian a rawn lang a, he list a billionaire lang thei naupang ber a ni. Hetihrual hian Zepto co-founder Kaivalya Vohra, kum 22, leh Aadit Palicha, kum 23, te pawh list-ah hian langin, anni pahnih hi billionaire an ni lo nain, India-a mihausa list Hurun-in an tihchhuaha lang thei naupang ber an ni ve thung.
India-a hausa ber chu Mukesh Ambani bawk a la ni a, Ambani hausakna hi kum kalta nena khaikhinin 6% velin a tlahniam nain, a hausakna hi cheng vaibelche 9,55,000 a la ni tho a, India-a hausa ber a la ni fal nalh. Ambani dawttu chu Gautam Adani niin, a hausakna cheng vaibelchhe 8,14,000 a ni ve thung.
Hurun list-ah hian Roshni Nadar Malhotra chu a vawi khat nan top three-ah langin, a hausakna hi cheng vaibelchhe 2,84,000 a ni a, India-a hmeichhe hausa ber a ni nghal bawk.
Hurun list atanga en chuan India-ah billionaire 350 chuang an awm ve ta a, cheng vaibelchhe 1,000 chin nei pawh mi 1,687 an tling ta a, he list-ah hian mi thar 148 an lang a, tun kum hnih kalta chhungin India-ah kar khatah billionaire thar pakhat awm zel ang a ni.
India-a billionaire naupang ber Srinivas
