Washington Post-in India rama communal buaina tipunluntu tia Facebook, WhatsApp leh YouTube te a chhuah hnuah INDIA bloc te chuan Meta leh Google CEO – Mark Zuckerberg leh Sundar Pichai te hnenah lehkhathawnin an platform te chu Lok Sabha inthlan awm mai tur kaihhnawihah pawh ‘neutral’ reng turin an ngen a. An platform te chu India rama social unrest leh democratic ideals te tihchhiat nana hman remti lo turin an ngen bawk.
He lehkhathawnah hian Congress General Secretary (Organisation) K.C. Venugopal chuan Indian National Developmental, Inclusive Alliance (INDIA) aiawhin hming a ziah hnan a, chu chu Congress President Mallikarjun Kharge, former party president Rahul Gandhi leh 28-member parties head 12 te chuan an thlawp thu an ziak bawk a ni.
Lehkhathawn an ziahah INDIA bloc te chuan Indian voters zahve lawih an neih thu an sawi a. Lehkhathawn chuan Meta leh Google te chu Opposition leaders’ te content chu rapbet luia ruling party te duhsak uchuak bikah an puh a. “Hetianga hleih neihna turu tak private foreign company tena political formation pakhat an lantir hi India democracy kal dana inrawlhna niin INDIA alliance te chuan kan ngai thutak takzet a ni,” tiin lehkhathawn chuan a sawi.
Google platform YouTube chungchangah lehkhathawn chuan Washington Post article chungchang tarlangin,”Indian Muslim te beihna live-stream tu chu YouTube-in award a pe a ni,” tiin cow vigilante Monu Manesar a YouTube channel chungchang a sawi a. Manesar hi tualthah thubuai chungchangah September 12 khan man a ni nghe nghe a. Nikum October thla khan YouTube chuan 1,00,000 susbcriber a neih avangin ‘silver creator’ award a pe a ni, an ti bawk a.
“Washington Post tena investigation an neih a\angin Alphabet leh a bik takin YouTube te chuan vantlang inlungrual lohna nasa tak thlen theiin India rama communal hatred tuhna an tipung a ni,” tiin lehkhathawn chuan a sawi bawk.
Zuckerberg hnena lehkha an thawnah hian Washington Post article “Under India’s pressure, Facebook let propaganda and hate speech thrive” tih chu tarlangin “Opposition tena hun rei tak ata tawh kan hriat tawh a ni a, \um tam tak kan sawi chhuah tawh a ni,” tiin tarlan a ni bawk.
CEO pahnih hnena lehkha an thawnah chuan an platform te chu neutral tura ngenin India democratic ideals te tichhe lo leh zah turin an ngen bawk a ni.
INDIA bloc ten thleibik nei lo turin ngen
