BJP te chuan India ram pum chu ‘detention camp’-ah a chhuah tia sawiin West Bengal Chief Minister Mamata Banerjee chuan opposition INDIA bloc tena Centre a thuneihna an chang a nih chuan CAA leh NRC te chu nuai bo a ni ang, a ti.
Assam-a TMC candidate palite tana campaign a neihnaah a zawna term thum nana Prime Minister Narendra Modi thlantlin a nih chuan democracy leh inthlan a awm tawh lovang a ti bawk.
“BJP te hian ram pum hi detention camp ah an chhuah tawh a ni. Tun ang renga inthlan hlauhawm hi ka la tawng ngai lo” tiin Banerjee chuan a sawi bawk a.
An party TMC te chuan sakhua tinte chu an duh em em vek a, sakhuana thila mipuite \henhran an duh ve lo tiin a sawi bawk a.
“INDIA bloc an chak a nih chuan National Register of Citizens (NRC), Citizenship Amendment Act (CAA) leh Uniform Civil Code te hi a awm lo vang a. Heng inthliarhranna dan te hi kan nuai bo vek ang,” tiin Banerjee chuan a sawi.
Lok Sabha inthlanah Assam-a Trinamool Congress candidate pali te chu vote vek tura ngenin kum 2026 State poll ah chuan Assam a Assembly seat 126 an chuh vek tawh dawn a ti bawk a.
“Tun hi a enchhinna mai mai a ni a, a tak tak a lo kal dawn chauh a. Ka lo kal leh ang” tiin Trinamool Congress chief Banerjee chuan a sawi bawk.
India ‘Detention camp‘ ah a awm mek
