India chuan kum hnih thum chhung velin lirnghing hriat theihna turin seismic monitoring observatory 100 din belha tum thu Earth Sciences Minister Jitendra Singh chuan Rajya Sabha a hrilh.
Singh chuan National Centre for Seismology (NCS) chuan India ram pumah seismic activity enfiahna observatory network 152 a neih mek thu a sawi a.
National Seismological Network chaun India ram hmun tam zawkah lirnghing 3.0 magnitude thlenga hriat theihna a neih thu a awi bawk a.
Singh chuan khuarel chhiatna chu thil nihphung leh awm dan fo mihringte thuneihna piah lam a nih thu a sawi a. Chutihrual erawh chuan hmun thenkhatah erawh mihring tena kan thlen a ni fo tiin a sawi bawk a.
“Hei vang tak hian heng chiatrupna laka fihlim leh him a nih theih nan hian scientific leh engineering solution te kan kalpui a ngai a ni,” tiin Minister chuan a sawi.
Seismic microzonation study chu pawimawh tak a nih thu sawiin he mi hmang hian lirnghing then nat theihna hmuna building/infrastructure/chenna hmun te lirnghing na tak pawh thleng te him zawkna tura ruahmanna tha zawk kalpui theih a nih phah dawn a ni, tiin a sawi bawk.
India-in seismic monitoring tipung dawn
![](https://theaizawlpost.org/wp-content/uploads/tap_logo-min-large.jpg)