India Lesgislature khaikhawmtu
inkhawmpuiah speaker hoin tel
India rama legislature hrang hrang (Parliament, State leh UT) khaikhawmtu committee sang, All India Presiding Officers’ Conference (AIPOC) vawi 85-na chu Thawhtanni atang khan Bihar Legislative Assembly Patna-ah neih a ni a. Mizoram atangin State Legislative Assembly speaker Lalbiakzama leh Assembly Secretariat official-te an tel. Vawiin – January 21 hian neih chhunzawm a ni ang.
Conference hi Lok Sabha speaker Om Birla chuan a hawng a, ‘Practice and Procedure of Parliament’ 8th Edition a tlangzarh nghal. Legislative body-ten rorelna kalphung chak zawk, felfai leh awlsam zawk siam theihnan technology changkang zawk hman tangkai theih dan tur sawiho a ni.
Conference thupuiah “75th Anniversary of Constitution: Contribution of Parliament and State legislative bodies in strengthening constitutional values” tih hman a ni a. Speaker hrang hrangten Constitution pawimawh zia leh vawnhim kawnga hma lak a tul zia an sawi a ni.
AIPOC hmasa ber hi kum 1921 khan Shimla-ah neih a ni a. Bihar-ah tum thum neihna a ni. He Conference hi Parliament leh State Legislative Assembly ten India Constitution vawnhim kawnga an mawhphurhna leh kalphung hrang hrang sawihona atana ruat a ni.
India Lesgislature khaikhawmtu inkhawmpuiah speaker hoin tel
