Mizoram tlawha rawn kal, Myanmar-a India palai tur Abhay Thakur, IFS chuan Zirtawpni khan larsap Dr Hari Babu Kambhampati chu Raj Bhavan-ah a kawm.
India leh Myanmar inkara sumdawnna tha leh awlsam zawk neih a nih theih dan tur sawi dunin, Abhay Thakur chuan larsap chu tunhnaia Indo-Myanmar sumdawnna tih awlsam a nih theih dan tura hmalakna awm mek a hrilh. An inkawmnaah hian chief minister nena an inkawmna chungchang a sawi tel bawk.
India palai Abhay Thakur hi India ramin G20 presidency a chelh laia sous-sherpa niin, G20 hlawhtlinna khan India ram chu khawvel mithmuhah nasa takin a chawisang tih a sawi. April 29 atang hian ambassador designate to Myanmar nihna hi official-in a chelh tan ang.
India palai leh larsap inkawm
