Tunhnaia ram pum huap quiz intihsiaka pakhatna Presbyterian English School Republic Veng zirlaite leh an hotute chu Thawhtanni khan chief minister Lalduhoma chuan a pisaah lawmpuina a buatsaih sak.
Chief minister chuan zirlai naupang taima leh entawntlak, Mizoram hming timawitu an nih avangin lawmthu a hrilh a. Lehkathiam tak, ram tana mi tangkai tak an nih chhoh ngei theih nan duhsakna a hlan. Anmahni enkawltu Republic PES thawktute leh MSACS chungah pawh lawmthu a sawi a ni. An inbuatsaih dan tlangpui a zawt a, zirlai pahnihte hian district level, state level, regional level leh national level thlenga an inbuatsaih dan an hrilh a ni.
National Red Ribbon Quiz Competition a champion hi Zonunsangi (Class 8) leh Jenet Malsawmpuii (Class 9) an ni a. Quiz final hi Rajasthan-a neih a ni. Chief minister-in a lawmpuinaah hian Rajasthan-a anmahni hruaitu, MSACS assistant director Joseph Lalnunmawia leh PES Republic zirtirtu Miss Zonunpuii Khawlhring bakah an principal Dr John Hlychho ten an tawiawm a ni.
India rama titha berte CM-in lawmpuina hlan
