India ramah cancer vei chu kum 2022 a 14.6 lakh atangin 15.7 lakh-ah kum 2025-ah an pung hman turah Indian Council of Medical Research-National Cancer Registry Programme (ICMR-NCRP) chuan Parliament a hrilh.
Hemi kaihhnawiha sorkar hmalakna sawiin Minister of State for Health Bharati Pravin Pawar chuan common non-communicable diseases (NCDs), heng diabetes, hypertension leh common cancers te hriatchhuah zung zung a nih theih nan hian National Health Mission (NHM) hnuaiah hmalakna kalpui a ni tiin a sawi a.
He hmalakna hnuaiah hian kum 30 chin chunglamte chu common cancer langsar zual pathum te – oral, breast leh cervical an neih leh neih loh enfiah thin a ni, a ti a. Heng common cancer screening hi Ayushman Bharat Health leh Wellness Centre scheme hnuaiah kalpui a ni tiin minister chuan Rajya Sabha a zawhna ziaka a chhannaah a tarlang.
NHM hnuaiah National Programme for Prevention and Control of Cancer, Diabetes, Cardiovascular Diseases and Stroke (NPCDCS) hmangin States leh union Territories te chu Department of Health and Family Welfare chuan technical leh financial support a pek thu a sawi bawk a.
Oral-breast leh cervical cancer te chu NPCDCS a bet tel tlat tia sawi bawkin he programme hian infrastructure, human resource development, health promotion leh awareness generation for prevention, early diagnosis, management leh healthcare facility tha zawk pek a thlurbing tiin Pawar chuan a sawi bawk a.
Ayushman Bharat Health and Wellness Centre scheme hmangin community level-ah thlurbing neia siamin primary healthcare kaltlangin heng cancer te laka him a nih theih nana hmalakna kalpui a ni a ti bawk.
Food Safety and Standards Authority of India (FSSAI) kaltlangin eitur hrisel ei pawimawh kalpui a ni a. The Fit India movement, Ministry of Youth Affairs and Sports leh yoga-related activities te Ministry of AYUSH kalpui hnuaiah pawh hmalakna neih a ni a ti bawk.
India ramah cancer vei pung zel dawn
