April 21 khan heatwave turu takin India ram hmun thenkhat tuamin chungah te chuan temperature in 40 degree Celcisus atanga 46 degree Celcius thlenga a hawlhna a awm.
India Meteorological Department (IMD) te chuan heatwave chuan Chhattisgarh, Jharkhand, Odisha leh Gangetic West Bengal te a tuam an ti a.
Tun heatwave hi tun thlaa a thawh hnihna ni tawhin a thawhkhatna chuan Telangana, Andhra Pradesh, Tamil Nadu leh Gujarat te a tuam thung.
April 21 khan hmun thenkhatah chuan maximum temperature chuan normal chunglam degree sarih leh riat vel thleng a hawlh a ni.
Baripada leh Boundh, Odisha ah chuan temperature in 45.2 degree Celcius a kai a, Midnapore leh Bankura, West Bengal chuan 44.5 degree Celcius leh 44.6 degree Celcius a kai a. Daltonganj leh Jamshedpur, Jharkhand ahd 43.6 degrees Celsius leh 43.5 degrees Celsius a hawlh a, Rajnandgaon, Chhattisgarh ah 43 degrees Celsius a kai bawk.
Heatwave hi phaiah maximum temperature in 40 degree Celcius a hawlh leh coastal areas ah 37 degree Celcius leh tlangramah 30 degree Celcius a kaiin leh normal aia 4.5 notches a a danglamin heatwave tia puan thin a ni a. Severe heatwaves chu normal temperature 6.4 notches aia a danglamin puan thin a ni bawk.
El Nino condition chuai mek zelah IMD chuan a hmain April-June ah India ram chuan extreme heat a tuar dawn a lo ti lawk tawh sa a ni.
Met office chuan April thlaah India ram hmun hrang hrangah heatwave tum li atanga tum riat a thlen hman an ring a. April-June chhungin heatwave thlen ni ni 10 atanga 20 vel beisei a ni bawk.
Madhya Pradesh, Gujarat, Odisha, Andhra Pradesh, Madhya Maharashtra, Vidarbha, Marathwada, Bihar, leh Jharkhand te chu State dang zawng aia heatwave tuar zing tur leh nat zualna tura ngaih an ni bawk.
India ramin khawlum turu tuar mek zel
