Telegu film hit zet mai ‘RRR’ hla ‘Naatu Naatu’ chu 2023 Oscar-ah nominate a ni a, he hla hi Oscar semnaah Telegy singer Rahul Sipligunj leh Kaala Bhairava tenan perform dawn a ni. Oscar hi March ni 12 (keini tan March ni 16 a ni hman tawh ang)ah an sem ang.
Rahul Sipligunj leh Kaala Bhairava hming hi kan hre lar lo viau ang, mahse, Naatu Naatu hi 2023 Oscar Best Original Song-ah nominate a ni miau a, he film soundtrack tana record-tu an nih manah Oscar stage-ah an perform fawn ta a ni.
Kum 14 liamta khan Indian film Slumdog Millionaire hla ‘Jai Ho’ leh ‘O Saya’ chu Oscar-ah nominate a lo ni tawh a, hemi tum hian A.R. Rahman leh Mahalaxmi Iyer an perform dun nghe nghe a, ‘Jai Ho’ hian Oscar a dawng zui ta bawk. Tahul leh Kaala te hian AR Rahman hnung an rawn zui ve dawn ta a ni.
‘Naatu Naatu’ hi a music MM Keeravaani leh a lyrics Chandrabose te kutchhuak a ni a, kumin Oscar-ah hian best original song nominee zinga stage-a perform tura an puan palina a ni a, anni bakah hian Rihanna pawhin Black Panther: Wakanda Forever soundtrack ‘Lift Me Up’ a perform dawn a, actress leh singer Sofia Carson leh songwriter Diane Warren te pawhin Tell It Like a Woman soundtrack ‘Applause’ an perform dawn a, Everything Everywhere All at Once soundtrack ‘This Is a Life’ chu Stephanie Hsu, David Byrne leh Son Lux ten an perform dawn bawk a ni.
Kumin Oscar-a he category-a nominate dang chu Top Gun: Maverick soundtrack ‘Hold My Hand’ a ni a, he hla hi Lady Gaga sak a ni a, Avademy hian Gaga hi show-a perform tura an koh eih theih chuan best original song-a nominate panga te an perform kim thei dawn tihna a ni.
Kumin Oscar hi an vawi 95-na tur a ni tawh a, award semna show hi Jimmy Kimmel-a’n a host dawn a, Dolby Theatre, Ovation Hollywood-ah show hi an nei dawn a ni.
Indian singer-te Oscar-ah an zai dawn
![](https://theaizawlpost.org/wp-content/uploads/2023/03/os.jpg)