Indian stock market chuan Hong Kong khumin khawvela equity market sang ber pali-na a ni tiin Bloomberg te chuan an sawi.
Indian exchange a share list belhkhawm chuan thawh\anni tlai lam khan USD 4.33 trillion a kai a, Hong Kong-ah chuan USD 4.29 trillion a ni thung tiin Bloomberg te chuan an sawi.
India stock market capitalization chuan December 5, 2023 khan a \um khat nan USD 4 trillion a kai a, a zahve lawih vel chu tun hnai kum li chhunga mi a ni.
Stock market value nei sang ber chu US, China leh Japan te niin India chuan palina a hauh ta a ni.
Tun hnai thla 12 vel chhungin investor te Indian stock-a an sum dah ten an hlawkpui hle a. Kum 2023-ah khan hun harsa chu a awm tho nain a tlangpuiin a \ha lam vek zawk a ni.
Kum 2023 khan Sensex leh Nifty te chuan cumulative basis in 17-18 per cent vel an neih belh a. Kum 2022 kha chuan 3-4 per cent chauh an neih belh a ni. Hong Kong benchmark Hang Seng Index erawh nikum khan 32-22 per cent-in a tlahniam niin Bloomberg data chuan a tarlang.
India GDP growth forecast a nghet a, inflation thunun theih awmin central sorkar level a politics ngelnghet bawk leh khawvel hmun danga central banks te monetary policy tihkhauh bawk si avangin India hma lam hun a êng hlea ngaih niin agency tam ber te chuan major economy \hang chak ber tiin an sawi.
Foreign portfolio investors (FPIs) tena fund tam tak luanglut chuan stock-in a san ber \um a thlen tir theih phaha ngaih a ni bawk a. Foreign portfolio investor te chuan India awnin stock market net buyers an ni hlawm a, chu tak chuan Indian benchmark stock chu a tisang ta a ni.
India hi nikum khan khawvela mihring tamna ber ni tain China aia thlan theih angin a awm mek a, global investor leh company te a\angin capital tam zawk a hmuh belh zel a, a politics ngelnghet leh consumption-driven economy ni bawk avangin major nation zinga economy \hang chak ber a ni mek tiin Bloomberg report chuan a tarlang bawk.
Indian Stock Market-in pali-na a hauh ta
