Indona in a nan huna lo
hmachhawn dan inzirtir
India sawrkar ruahmanna in indona in kan hmun a thlen hunah pawh chiai buai mai loa, lo hmachhawn leh inbawihsawm dan tura ruahmanna awmte chu Nilaini khan Aizawlah enchhinin inzirtir a ni.
Sawrkar laipui Ministry of Home Affairs chuan India rama civil defence district 244-ah he ‘mock drill’ hi nei turin Thawhlehni tlai khan thuchhuah a siam a, Aizawl district a tel. Mock drill-ah hian Aizawl khawpui hi indo thlawhna hmanga beih ni ta se, engtia lo hmachhawn a, chhiatna thlenga inbuaipui zui dan tur chu a tak ang thei ber tura entir a ni.
Chawhma dar 11.00 ah Aizawl bawrhsap pisa atangin siren tih rik a ni a. AIR Station Tuikhuahtlang leh Civil Hospital Aizawl inkara neih a ni a. Dan leh thupek kengkawhtu, venhim lam hna thawktu leh chhiatna a thlena a hmachhawn hmasatute inbuatsaih dan, hliam bawihsawm leh hmun him lama mipui senghawi dan entir a ni.
Thim hnu ah hetiang hi thleng ta se, tiin, Nilaini tlai dar 6.30 – 6.35 inkarah enchhin leh a ni a, bawrhsap pisa atang bawkin siren tih rik a ni. Power supply tih tawp niin, lirthei tlan lai pawh tih din vek an ni a. A tak tak thleng ta se, mipui an chiai lutuk lohnan an lo hmachhawn dan tur leh sawrkar lam inbuatsaih dan tur enchhinna a ni.
Indona in a nan huna lo hmachhawn dan inzirtir
