Indopui II-na hun laia British bomb puak lo sut

Indopui II-na hun laia British bomb puak lo sut
Indopui II-na hun laia British bomb puak lo chu Dresden-a sut a ni tih Germany-a police-ten an sawi.
Kum 2024-a Elpe luia chim, Carola Bridge hlui bula kg 250-a rit bomb hi hmuhchhuah a nih hnuah khawpui lailia mi tam tak sawn chhuah phah a ni.
Nilaini tlai dar 03:10 (India-a zan dar 07:40) khan explosive ordnance disposal service-a mi thiam bikten bomb atangin detonator an la chhuak a, an an tipuak zui a ni.
Dresden-a kang thelhtute chuan an khawpui chhunga mi insawn chhuah tam ber tum a nih thu an sawi a, mi 18,000 vel, khualzin leh zin mite a nghawng a ni.
Khaw hlui hmun tam zawk chu an khar hnan vek a ni.
Khawpui hmun tam zawk chu khar hnan pawnah a awm thung a, heng zingah in lar tak tak, Frauenkirche Lutheran biak in, Residenzschloss Palace leh Semper Opera te pawh a tel.
Police headquarters, Saxony state parliament, ministry eng emaw zat, retirement leh nursing home, daycare centre leh vantlang hmun dangte pawh sawn chhuah ngaihna hmuna awm an ni.
A him tawk tih chian a nih hnuah mite hi lirthei tlan khapna hlihin an haw thei dawn a ni.
Bomb hi Zeithain-a central collection point-ah paih a ni ang.
Thuneitute chuan Dresden Exhibition Center-ah zing dar 07:00 (India-a chawhma dar 11:30) atang khan awm lailawkna tur an pe a, he hmunah hian bus leh tram dang a tlan belh bawk.
Dresden hi February 13, 1945 khan British thlawhnain an bei a, a hnu ni eng emaw zat chhungin British leh an US tangrual ramte chuan bomb ton 4,000 vel zet an thlak.
Baroque leh Rococo architecture avanga Jewel Box tia hriat khawpui beihnaah hian mi 25,000 zet an thi a ni.
Nikuma Carola Bridge thiah hna thawh laiin bomb dang pali hmuh a ni bawk.