Israel-Gaza war chuan a chehhvel hmeltel theiin a rei phei chuan Ukraine buaina awmsa nen boruak thalo zawk siamin World War 3 a tichhuak thei, tiin Israeli writer leh historian Yuval Noah Harari chuan a sawi.
Covid-19 pandemic hnuah khawvel a ngelnghet lo hle a, Ukraine indona bakah tuna Israel-Gaza war chuan ram tam zawk a pawt mek a, hei hi a rei chuan khawvel huapa indona thlen thei a ni, tiin Harari chuan a sawi.
“A tlangpuiin order chu buai nuai nuaiin a thlak thin a. Chu chu tun hnai kum nga atanga kum 10 chhungin a thleng reng tawh a ni. Hmun hrang hrangah nasa zawkin kan hmu tam tial tial bawk a. Covid Pandemic kha a chhan a ni pakhat a. Russia-in Ukraine a run chu a chhan a ni pakhat bawk” tiin historian, philosopher leh bestselling author of ‘Sapiens: A Brief History of Humankind’ chuan a sawi bawk.
“Israel leh Palestinian inkara thil thleng pawh hi a ni tel vek a. Order kan siam tha lo a nih chuan a chhe zual zel dawn a, khawvel hmun tinah a darh ang a, chu chuan indopui III na a thlen thei ang. Tuna ralthuam leh technology sang tak kan neih mekah chuan mihringte thah chimihna a thlen thei a ni” tiin Harari, khawvela public intellectual zahkai ber pawl ni bawk chuan a sawi bawk.
“Beiseina kan hloh tur a ni lo va, tun hi beidawn hun a ni lo. Tute pawhin theihna kan nei vek a, insiamthata indinthat leh hun a ni zawk a, beiseina nena kan tanho hun a ni” tiin Yuval Noah Harari chuan a sawi bawk.
Indopui III-na chhuah hlauhthawnna nei
