Volleyball hmanga YMA branch hrang hrangte inelna lian ber LBS Suzuki 23rd Inter Branch YMA Volleyball Tournament 2024 tel tur a hriat kim ta a. Zanin hian Central YMA Hall, Tuikhuahtlang-ah ben hawnna neih a ni dawn.
Inter Br. YMA Volleyball tournament 20-24-ah hian mipa team 73 ten champion tumin inelna an hmachhawn dawn a. Hmeichhe team 28 in inelna an hmachhawn dawn bawk.
LBS Suzuki 23rd Inter Branch YMA Volleyball Tournament, 2024 khel turte:-
(Mipa Team)
1. Airfield 2. Armed Veng South
3. Bethlehem Veng 4. Biate
5. Bukpui 6. Bungkawn
7. Chanmari West 8. Chhinga Veng
9. Chhingchhip Venghlun 10. Chungtlang
11. Darlung 12. Dinthar
13. Durtlang 14. Durtlang North
15. Edenthar 16. Electric Veng
17. Hlimen 18. Hmuifang
19. Hmunnghak 20. Hmuntha
21. Hunthar 22. ITI Veng
23. Kanan 24. Kawlkulh South
25. Kawnpui Hmar Veng 26. Keitum
27. Khatla 28. Khawbel
29. Khawhai 30. Kulikawn west
31. Kulikawn 32. Laipuitlang
33. Lawipu 34. Lengpui Model
35. Luangmual 36. Lungdai
37. Maubawk 38. Muanna Veng
39. Nghalchawm 40. Ngopa
41. Nisapui 42. Nursery Veng
43. Phunchawng 44. Ramhlun Sport Complex
45. Ramhlun Vengthar 46. Ramthar Veng
47. Rangvamual 48. Ratu
49. Ruallung 50. Rulpuihlim
51. Saichal 52. Sairang Dinthar
53. Sairang Sihhmui 54. Sakawrtuichhun
55. Salem veng 56. Sazep
57. Sihphir 58. Sihphir Venghlun
59. TST Hospital area 60. Tachhip
61. Tanhril vengthar 62. Thentlang
63. Thenzawl Vengthlang 64. Tlangnuam West
65. Tualcheng 66. Tuikual North
67. Tuirial 68. Upper Republic
69. Zanlawn 70. Zawlnuam Vengpui
71. Zemabawk 72. Zonuam
73. Zotlang
(Hmeichhe Team)
1. Ainawn Veng 2. Airfield
3. Armed Veng South 4. Bethlehem Veng
5. Bungkawn 6. Chanmari West
7. Chawnpui 8. Dawrpui Vengthar
9. Durtlang 10. Edenthar
11. Hunthar 12. ITI veng
13. Kanan 14. Khawzawl Kawnzar
15. Kolasib Diakkawn 16. Laipuitlang
17. Lawipu 18. Lengpui Model
19. Luangmual 20. Maubawk
21. RamhlunVengthar 22. Republic Veng
23. Salem Veng 24. Thenzawl Field Veng
25. Tlungvel Field Veng 26. Vaivakawn
27. Zonuam 28. Zotlang
YMA Vollyeball hnuhma:
Mizoten infiamna kan ngainat leh kan uar zingah Volleyball hi a tel a. Team anga khelh a nih av^ngin football dawttu-ah Volleyball khel kan tam berin a rinawm. Mizote zingah football-in ngaihhlut a hlawh ber ngei ang a, boxing hi pahnihna a nih a rinawm a. Volleyball hian pathumna a luah lo a nih chuan pahnihna niin, pathumnaah boxing a chhuk thung ang. Chuti khawpa infiamna lar Volleyball-ah chuan intihsiakna hrang hrang a awm a. Tualchhung intihsiakna zingah Central YMA buatsaih ‘Inter Branch YMA Volleyball’ hian ngaihhlut a hlawh berin a rinawm.
Central YMA leh Mizoram Volleyball Association (MVA) te tangkawpin an buatsaih YMA Branch te Volleyball hmanga an inelna hi kum 1989 atang khan neih tan a ni a. Inelna hmasa ber hi mipa team te inelna bik a ni thung. Inelna hmasa berah hian YMA Brach 33 zet an tel a. Final-ah Bungzung leh Serchhip an intum a, Bungzung hian hnehna changin, YMA Volleyball intihsi^knaa champion hmasa ber an ni.
YMA Volleyball intihsiakna hmasa ber hian ngaihhlut a hlawh em av^ngin kum 1990 -ah inelna neih chhunzawm a ni a. Kum 1990 atang hian hmeichhe inelna telh tan a ni. Hmeichhe inelnaah hian Bungkawn hnehtu Champhai chu champion hmasa ber an ni. Hmeichhe inelna hi buatsaih ngun z^wk a ni ta hial a, kum 2022 thleng khan hmeichhe inelna hi vawi 21 buatsaih a ni tawh a. Mipa inelna hi kum 2022 thleng khan vawi 16 buatsaih a ni tawh bawk. Mipa inelna vawi 16 neih tawhah Hunthar chu hnuhma nei tha ber an ni.
YMA Volleybal-ah vawi thum champion a, vawi nga pahnihna ni tawh Hunthar hi kum 2005, 2009 leh 2022 -ah an champion a. Kum 2004, 2006, 2007, 2012 leh 2016 final-ah vanduaiin tlawm zawkah an lo tang tawh thung. Final vawi thum khela chak vek Maubawk chu champion ngun ber an ni thin a. 2022 champion Huntharin Maubawk hi an rawn nih rual a, tum nga ngawt pahnihna an nih tawh vangin Maubawk chungah an chuang thar a, YMA Volleyball-a hnuhma nei tha ber an ni ta a ni.
Kum 2022 -a YMA Volleyball hian dangdaina tak a nei a. Chu chu mipa lama champion Hunthar leh hmeichhe lama champion Bungkawn te hian Mipa leh hmeichhe lama champion ngun ber Maubawk leh Kanan Vengte record an nih rual ve ve. Hunthar hi Maubawk champion zat vawi thum an champion ta chiah a. Hmeichhe lama Kanan champion zat vawi sarih chu Bungkawnin an nihrual ve leh chiah bawk a. YMA Volleyball-a record nih rual kum a ni ber mai.
YMA Volleyball-a mipa inelna vawi 16 neih tawhah Branch pakua an champion tawh a. Chungte chu; Hunthar (2005, 2009 leh 2022), Maubawk (2007, 2014, 2016), Dawrpui Vengthar (1991, 1999), Bungzung (1989, 1993), Champhai (1990, 2004), Chanmari West (2001), Kulikawn (2012), Muanna Veng (2018) leh Ramhlun North (2006) te an ni.
Hmeichhe lama inelna vawi 21 neih tawhah champion thei Branch panga chiah an awm ve thung a. Chungte chu; Kanan (1995, 1998, 2002, 2005, 2008, 2009, 2016), Bungkawn (1999, 2000, 2001, 2012, 2014, 2018, 2022), Dawrpui Vengthar (1991, 2006, 2007), Electric Veng (2003, 2004) leh Champhai (1990, 1993) te an ni.
United Kingdom (UK) a football inelna pakhat ‘English League Cup’ khuan hming hlun a nei lo teh tlat a. Inelna sponsor tu a zirin a hming tih danglam mai thin a ni. Kum 2023 -ah hi chuan Carabao Cup tih a ni. Sponsor tu an neih changin inelna hming an tidanglam mai a. Sponsor tu an awm lem loh chuan ‘League Cup’ a ni leh mai thin thung. Chutiang ang deuh chuan YMA leh MVA te tang dunin an buatsaih Inter Branch YMA Volley Competition pawh hian hming hran han put chang a nei zauh thin a. Title sponsor neiin, a hming chu eng pawh vuah ni bawk thin mah se, ‘YMA Volleyball’ hi Mizote thinlung a thawh dan leh kan sawi dan awlsam ber a ni reng thung.
Inelna lian YMA Volleyball 2024-ah team 101
