Inenfiah turin sorkar phut

PC party chuan Mizoram sorkar chu nawr kal chawp ngai an ti a, inenfiah turin an phut.
“ZPM sorkarin fur ruahpui tlak tam hma thla 5 chhung teh meuh Aizawl khawpui chhûng kawngpui chhia siam\hatna hun te, Kawnpui leh Khamrang inkar kawngpui chhia siam\hatna hun te an neih reng lai a, an ngaihthah avang leh an vei tawk loh avanga mipuite’n harsatna namen lo kan tawh hnua – ruah sur tam vang leh sawrkar hmasate sulhnu pawr vang – tia chhuanlama an hmang hi thu belhchian dawl lo, mipuite bum tumna leh tham lohna lian takah PC Party chuan kan ngai,” tiin thuchhuah an siam.
“Hetih lai hian tunhnaiah lirtheia eizawng inzawmkhawm pawl (Mizoram Commercial Vehicle Union) te’n ni tin chakkhai lakluhna Kawnpui leh Khamrang inkar kawngpui chhia kar khat chhûnga siam\ha tur te, motor engemaw zat tang hnukchhuak tur tea chief minister Pu Lalduhoma an nawrna te tihhlawhtlin sak ngei a tum thu CM-in alo tiam leh hnuhnawh hian ZPM sawrkar chu nawr chawp ngai, nawr chawp chauha chet lak tum sorkar a nihzia a tilang chiang hleah PC Party chuan kan ngai bawk a ni,” tiin sorkar chu nawr chawp ngaiah an ngai tih an sawi.
Kar khat chhunga Kawnpui leh Khamrang inkar kawngpui chhia siam\ha tur leh motor tangte a thlawna hnuhchhuah sak CM-in a intiamna te hi a rang thei ang bera tihlawhtling turin PC Party chuan CM kan ngenin, kan lo thlir reng dawn a ni,” an ti bawk.