Sport minister, Mizoram State Sports Council president ni bawk Lalnghinglova Hmar chuan Zirtawpni khan MSSC hnuaia sports association hrang hrang enkawl hmunhma Ramhlun Sports Complex a tlawh a, MSSC secretary John Tanpuia’n a tawiawm.
Sport association hruaitute hian minister hi lo dawngsawngin, anmahni hmun ngeiah an mamawh an lo sawipui a; sports hmunhma tihchangtlun dan tur hrang hrang sawiho nghal a ni.
Sports lama an ngaihpawimawh hmasak tur chu infiammite leh a enkawltu sports association a nih avangin an hmunhma MSSC hnuaia awmte an tlawh tih Lalnghinglova Hmar hian a sawi a. Sports association hruaitute nen an inkawm thei leh a hmun ngeia an mamawh a hmuhpui thei chu a lawm tih sawiin, an harsatnate an hrilh chu theih chinah theihtawp chhuahpui an tum dawn tih a sawi a ni.
Medal la thei tura inchher tumin, chu lam hawi chuan ke pen zel an tum tih a sawi a. Infiamna hmunhma kan neih ang angte a tha tawk lo a nih pawhin hmang tangkai a, dim leh duat taka enkawl a tul tih a sawi a ni.
Mizoram State Sports Council-in a enkawl, Ramhlun Sports Complex tia hriatah hian Boxing, Volleyball, Basketball, Football, Wrestling, Body Building, Weightlifting, Tennis lamin hmunhma an nei a ni.
Infiamna hmunhma tlawh
