Inlehkhadenna hmanga in lem sa sang record siam
American architect leh card-stacking lama hming chher ve nual tawh Bryan Berg chuan Guinness World Record siamin a hming a chher belh leh ta. Bryan hian inlehkhadenna (playing card) hmangin in lem a sa a, darkar riat chhungin chhawng 54 a sang a sa hman. Bryan hian playing card bah engmah thildang a hmang lo va, a charna tur thil ban emaw, a tihkhawngna tur emaw, remkhawm awlsamna tur hman dang emaw pawh a hmang lo hrim hrim a, a tawpah, a in lem sak chhipah a mobile phone a la tung leh nghe nghe a ni. Guinness World Records chuan darkar riat chhunga playing card hmanga in lem sa sang ber record-ah an puang.
Bryan Berg hian a lehkhaden remna room chu a phui thei ang bera siamin, boruak tihnawng deuh turin humidifier pasarih a hmang a, hei hi room chhung boruak playing card rema nana duthusam ang a neih theih nana a tih a ni. Darkar riat chhung hian a chawl man meuh lo a, tui in tur leh eng emaw ei tur han hmawm zeuh nan bak hun a khawhral lo.
Bryan Berg hi record siamah a mikhual tawh bik lo va, 1992 kan playing card hmanga thil rem sang ber record siam a, chu record chu 2007 khan amah bawkin a rawn khum leh a, tuna a record chu meter 7.86 (feet 25 le inces 9) a sang a ni a, hei hi khum thei an la awm lo.
Inlehkhadenna hmanga in lem sa sang record siam
