Champhai Town Vending Committee chuan Inrinni zing khan an chairman, bawrhsap James Lalrinchhana hoin kawngsira inzuar street vendor-te inpho leh inzawrh phalna tura a pawm ‘Vending Zone’ ni lo, kawngsir leh duh duhna hmun remchang laia khawpui tichep leh tihmelmawi lo zawnga thil zuar thinte an awm em tih an endik a. Thil zawrh phal lohna hmunah ‘No Vending Zone’ sign an tar nghal.
Dan palzuta tiluite chu ‘The Mizoram Street Vendor (Protection of Livelihood and Regulation of Street Vending) Repeal Act 2017 tlawhchhanin hrem theih an ni dawn a, receipt challan hmanga fine lak zel tur a ni ang.
Endiknaah hian bawrhsap hi police hotute leh official dangte bakah tlawmngai pawl hruaitute an tel a. Dawr engemawzat tlawh kualin hman khat daih sarang (single use plastic) zuar an awm em tih an enfiah bawk a, SUP an hmuhte an man nghal a ni.
Inpho phal lohna inpho awm leh awm loh endik
