Instagram-a vawi khat post rate sang ber Cristiano Ronaldo
Footballer Cristiano Ronaldo chuan Instagram-a mi thil fakna a post-ah vawi khat post-ah dollar maktaduai 3.4atangin maktaduai 3.75 thleng te a ni a, India pawisain cheng vaibelchhe 27 chuang zel tihna a ni! Rolando hi Instagram-a mi thil post sak manto ber a ni.
Ronaldo dawttu chu footballer tho, Lionel Messi niin, a vawi khat dollar maktaduai 2.85 man a ni a, zaithiam Selena Gomez chu pathumna niin, dollar maktaduai 2.57 a kai pha a, Kylie Jenner (dollar maktaduai 2.42) leh Dwayne Johnson (dollar maktaduai 2.41) ten an dawt.
Cristiano Ronaldo hi Instagram-a follower ngah ber niin, maktaduai 680 vel zet a nei a, Lionel Messi (maktaduai 517+), Selena Gomez (maktaduai 403+), Dwayne Johnson (maktaduai 381+) leh Kylie Jenner (maktaduai 381+) ten an dawt.
Instagram hi khawvela sumdawnna platform lian tak a ni taw a, brand hrang hrangin an advertising budget te pawh infiammi leh milar, he social media platform-a follower ngah, anmahni ngaisangtu te hnena direct-a fakna tichhuak nghal thei te lamah hian an pawt peng nasa ta hle a, 2025-ah khan Instagram-a hetiang fakna atanga sum chevel pawh a pung chak hle a, 2023-ah khan dollar tluklehdingawn 23 a kai a, 2025-ah chuan dollar tluklehdingawn 29-ah a invawrh tawh niin Statista chuan an tarlang.
Forbes-in an tarlan danin kuminah Cristiano Ronaldo hlutna hi dollar tluklehdingawn 1.2 a kai tawh a, footballer zingah active player an la nih lai ngeia billionaire ni thei hmasa ber a ni.
He Portugal football icon hian social media platform hrang hrang Instagram, YouTube, X leh Facebook a follower a neih zawng zawng belhkhawm chu tluklehdingawn chuang a ni tawh a, khawvel mihring zingah mimal anga social media hrang hranga follower tluklehdingawn nei tling thei hmasa ber a ni bawk.
Cristiano Ronaldo sawi takah chuan Cheshire-a a in lian zet mai chu 2023 khan a zuar a, dollar maktaduai 7.4 a chhiar a, mahse, a hralh mai theih tak loh avangin tunah chuan dollar maktaduai 6.7-ah a man hi a tihniam ta. He in lian hian acre 23 zet mai a thut hmuk mai a, bedroom pasarih, bathroom paruk, in chhunga swimming pool tih lum theih, gym, sauna, jacuzzi leh private cinema hall thlenga a awmna a ni a, hei bakah hian a tualah tennis leh padel court a awm bawk. He in hi Manchester United-a Manchester United-a a kir leh hnu, 2021-a a lei a ni a, an chhungkuain an luahlum nghal a, mahse, Saudi Arabia lama a pem hnuah a zuar leh ta a ni.
Instagram-a vawi khat post rate sang ber Cristiano Ronaldo
