Pathianni zanah sili faia mualneitu Lecce sawp chungin Inter Milan chuan Serie A table-a an hmahruaina an sawhnghet kal zel a; inkhel dangah anmahni hnaihbertu Juventus chak ve bawk mah se game khata khel tlem zawk chungin Inter hian point kuain hma an hruaifal.
Lecce khelmuala mikhual goal hnih hi captain Lautaro Martinez thun niin, minute 15-ah a goal hmasa khungin, second half tir lamah goal khat dang a thawh leh a, ti hian, a career-ah Serie A goal 101 khawl tling chiahin, season kal laiah league goal 22 a tilut tling ta bawk.
Kum 26 mi La Martinez goal hnih baka Inter goal hnih dangte hi second half tir lam ve vea Davide Frattesi leh Stefan de Vrij-te thawh niin, an khelmual luh hmaa bul lo tan hmasa Juventus chuan 3-2-a Frosinone hnehin an chung chiaha hmahruaitu Internazionale nena an inkar an pawtzim hlek hman a, a ngai angin Inter hian pahnihna nena an inthlauhna an dah zui leh ta a ni.
Inter hmahruaina nghet zel
