55th International Film Festival of India, Panaji Goa-a neih mekah Ningani khan Information & Broadcasting Ministry hotute leh state hrang hranga nodal officer, film & tourism promotion nen film industry tih hmasawnna tura India Cine Hub portal hman tangkai dan tur sawiho a ni.
Ministry of Information & Broadcasting secretary Sanjay Jaju chuan kaihruaiin, India ram state hrang hranga film lama tuimite tih hmasawnnan India Cine Hub portal hman tangkai a tul tih a sawi.
Thutkhawmah hian Mizoram atangin I&PR secretary Betsy Zothanpari Sailo, deputy director Pratap Chhetri leh Hmingthanzuala, IPRO-te an tel a. State engemawzat he portal la hmelhriat lo an awm laiin, Mizoram chu portal hmang tan thei tura data pawimawh thehlut tawh zingah an tel tih sawi a ni.
IFFI hi ni 10 awh tur a ni a, hemi chhung hian film siam leh a kaihhnawiha tui Mizo thalai thlanchhuahte film workshop hrang hrangah an tel dawn a ni.
International Film Festival-ah tel
