inthen a hun em?
Inngaihzawnna reng reng hi a nawm viau rualin a harsat chang a awm ve ngei ngei thin. Boruak a lo chhiat chuan duhthlan tur pahnih chauh a awm- kalsan leh siamthat tih a ni mai. Hmangaihna avangin siamthat kan duh a, theihtawp kan chhuah thin a, mahse, siamthat zawh loh chang kan nei thin. kan inkar boruak chhia chuan zual lam a pan zel a, siamthat hleihtheih a nih loh chuan inthen mai a lo tul ta thin a ni. Hmangaihna hian thil a tiharsa thei a, kan inkar boruak chu siamthat hleihtheih a ni tawh lo tih pawh hmuthiam lo khawpin kan mit a tidel thei thin. Tun tumah hian relationship lama mithiam ten inthen mai a tha tawh zawk tih entirna kan hriat loh thin ni a an sawi te kan rawn tarlang e.
1. In inngaihzawnna chu a nawmna aiin a hrehawmna a tam ta zawk a, mahse, inthen ta ula engtin nge i awm ang tih i ngaihtuah ngam lo a, ngaihzawng neih ve hram hram duh vanga la inthen lo ringawt in nih chuan inthen a hun hle tihna a ni.
2. In pahnih khan thil tam tak in lo paltlang dun tawh a, mahse, chu chu inthen hreh phahna tur a ni lo. In inngaihzawnnaah chuan hmana inhlim dun lai te ringawt i tleipui tawh a nih a, tunah hlim lai boruak sawi tur i nei ta mang lo a nih chuan inthen a hun hle tihna a ni.
3. Engtikah emaw chuan a insiamtha ve mai ang tiin hman atangin i lo nghak ve char char a nih chuan inthen a hun tawh tihna a ni. Inngaihzawnnaah hian beiseina neih a, a êng zawnga thil thlir theih hi a tha a, mahse, thil pangngai inthlak danglam tura rei ngial i ngah tawh a, hmasawnna a awm chuan si loh chuan i hmalam hun atan i intikhawtlai mai mai zawk a ni. Thla ruk chhunga i ngaihzawng chu a insiamtha lo a nih chuan inthen mai a tha zawk ang.
4. I thiante bulah leh i chhungte bulah i ngaihzawng chu a thlavang i hauhsak a ngai char char a nih chuan thil fel lo a awm tihna a ni a, a tihsual leh that tawk lohna te i thup sak char char a ngai a nih chuan kalsan mai a fuh zawk ang.
inthen a hun em?
