Mizorama political party zingah inthlan dawn apianga BJP inhlauhsiak, a hnua BJP sawrkar intlawnsiak leh an awm tih BJP Mizoram president Vanlalhmuaka chuan sawiin, central-a zawmpui nei lo thlantlin chu awmzia a awm lo tih a sawi.
Nilainia Mamit Press Club-a thuthar thehdarhtute an kawmnaah Lok Sabha MP inthlana BJP candidate Vanlalhmuaka chuan, a hnam leh Kristiante tan kan vanneihna tur a awm a, central minister nih theihna tur a inhawng tih sawiin, hnam tan, party nihna theihnghilhin central-a sawrkar ngei tur BJP candidate vote a pawimawh tih a sawi.
“Inthlan dawnah BJP kan inhlauh siak a, inthlan zawhah central-ah BJP kan intlawn siak leh si a; central-a zawmpui nei lo tur thlantlin hian awmzia a awm lo,” a ti a. BJP candidate a tling a nih chuan Mizoramin kan mamawh hrang hrang sum leh pai bakah hmasawnna kan nei thei dawn tih a sawi a ni.
MLA Dr K Beichhua pawhin Mizorama MP candidate zingah an ni lo chu sawrkar treasury bench-a thu tur an awm loh avangin, hmasawnna pe theitu an ni tih a sawi. “Zoram tan, central-a pur chaw thei tur ‘Josepha’ hi kan thlantlin a pawimawh,” a ti.
Inthlan dawnah BJP inhlauh siak, a hnuah intlawn siak leh – Vanlalhmuaka
