Bahujan Samaj Party (BSP) hruaitu lu Mayawati chuan nimin khan assembly election hmachhawn leh tur state-ah an din ngei dawn thu a sawi.
Uttar Pradesh chief minister hlui hian Jharkhand, Maharashtra leh Delhi in assembly election an hmachhawn leh thuai dawn a, heta hian theihtawpa sorkar na siam thei dinhmuna ding ngei tura an beih dawn thu sawiin, Haryana inthlan zawh takah pawh khan mi leh sa nei lo chungin beisei aiin kan che tha, a ti.
Mayawati chuan Haryana result puan zawh takah khan thawhhopui kan neih avangin kan langsar lo a ni mai thei, mah se ECI chhinchhiah dan chuan kan vote hmun percentage kha 1.82 a ni a, kan thawhpuite nen phei chuan 4.14 daih a ni. BSP mi leh sa kan nei tha lo chunga kan dinhmun ngaihtuah chuan lawmawm tak a ni, a ti bawk.
BSP chuan assembly election nei leh tur state pathumah tan an lak nghal dawn thu sawiin, sorkar na kan siam zo lo a nih pawhin, a siamtute zinga tel ngei turin kan thawk nghal dawn, tiin a sawi a ni.
Inthlan hmachhawn leh tur state-ah BSP an ding ngei dawn
