Inthlan hoah Zonu Unit chakna apiangah hnehna kan chang zel – Zonu president

Tunhnaia inthlan awm hoah ZPM Zonu Unit chakna apiangah hnehna an chang zel tih Zonu Hqrs. president chuan a sawi.
AMC Ward 19 by election atana inbuatsaihna kal zelah Thawhlehni khan he ward huamchhunga Zonu ho chu ZPM Zonu Hqrs hruaitute nen an thukhawm a. Zonu Hqrs president, corporator R Lalawmpuii chuan tun by election neih turah ZPM candidate Dr C Malsawmtluangi a tlin theih ngeina turin Zonu member-ten tangkaina an neih dan inang lo mah se, lungrual taka an thawh ho a pawimawh tih a sawi.
Inthlan an hmachhawn tawhah Zonu Unit chakna apiangah hnehna an chang zel tih sawiin, “Tun inthlanah pawh kan candidate hi ZPM symbol a ni a, hnehna kan chan pawhin ZPM hnehna a ni tih hria ang u,” a ti. Inngaitlawm tak leh Pathian tihna nena chakna chang ngei tura thawkrim turin Zonu member-te a fuih a ni.
AMC Ward No.19 huamchhung veng hrang hrang atangin Zonu Unit 12 an tel a, helai bial chhunga veng bil innghirnghona boruak hmanruaa hman tumtuten he inthlanah hian awmzia an neih phak loh tur thu sawi a ni. By election-ah hian hnehna chang ngei tura lungrual taka theihtawp an chhuah zel tur thu an sawi bawk.