MLA inthlanpui kaihhnawihah Champhai district election officer, bawrhsap James Lalrinchhana kaihhruaiin Nilaini khan banker-te nen thutkhawm a ni a. Election official-te leh State Bank of India, Mizoram Rural Bank, HDFC, Punjab National Bank, Canara Bank leh Apex Bank manager-te an tel.
DEO chuan candidate-te account hawn leh cheque book issue sak chungchangah leh bank dawr an mamawhna hrang hrangah harsatna an tawh lohnan theihtawp lo chhuahpui a, a tul anga tanpui turin a chah a. Inthlan vuakvetah district chhunga bank account transaction vil uluk tur leh rinhlelhawm a awm palh a nih chuan report thuai turin a chah bawk.
Thutkhawmah hian sawrkar laipui Ministry of Finance-a Department of Financial Services-in inthlan vuakveta bank-te zawm tur Standard Operating Procedure a duan chu thlir ho a ni a. Mizoram MLA inthlanah hian canidate tin ten cheng nuai 28 thleng an hmang thei a. Candidate-te hian inthlan atana hman tur bik account an hawn a ngai a ni.
Inthlan kaihhnawihah bank kawm
