Hnahthial district election officer, bawrhsap Chuauhnuna chuan Nilaini khan MLA inthlanpui neih tura inbuatsaihna kal zelah an district-a political party aiawh, printing press neitute leh thuthar thehdarhtute chu inthlan kaihhnawiha hriat tur tul hrilhhriain a kawm.
DEO chuan Election Commission of India-in inthlanpui neih hun tur a puan rualin model code of conduct hman nghal a ni tih a sawi a. Inthlan thianghlim leh felfai neih a nih theih nan political party, thuthar thehdarhtute leh printing press neitute thawhhopuiah a sawm tih a sawi. Inthlan vuakveta candidate-te sum hman theih zat bituk sawiin, an sum senso hmanna thlithai reng a ni, tiin, felfai taka che theuh turin political party aiawhte a sawm tih a sawi a ni.
Inthlanpui neih turah hian South Tuipui Assembly constituency-ah vote nei mi 16294, mipa 8037 leh hmeichhia 8257 an awm a; service voters 87 chhiar telin vote nei 16381 an awm a ni.
Inthlan kaihhnawihin kokhawm
