Lok Sabha inthlanpuia Aizawl district bik tana SVEEP (Systematic Voters’ Education & Electoral Literacy) hmalakna pakhat – nitin chanchinbu chhuakten MP inthlan hawi lama editorial ziak tha intihsiak buatsaihah The Aizawl Post chuan lawmman a dawng.
Ningani khan Aizawl district election officer, bawrhsap Nazuk Kumar chuan a dawngtu turte hnenah lawmman hi a hlan a. Inthlan muanawm tak Mizorama kalpui zawh takah thuthar thehdarhtuten an tawiawmnaah lawmthu sawiin, SVEEP kaltlanga inzirtirna leh inhrilhhriatna hrang hrang pawh media lamin an thehdarh thin chu lawmawm a tih thu a sawi. Tun tuma lawmman sem chungchangah pawh editorial tha tak tak an chanchinbua an ziah atangin chanchinbumiten inthlan felfai leh entawntlak tak Mizoramin a neih theih nan an thahnemngaihna a tilang tih a sawi bawk.
The Aizawl Post bakah hian Virthli leh Zo Rin ten an dawng bawk a. Lawmman hian lawmpuina thuziak leh sumfai Rs. 5000 theuh a keng a ni.
Lawmman semnaah hian election officer Lalnunfela Chawngthu, SVEEP asst. nodal officer pahnih – deputy director UD&PA Lalhruaitluangi leh BDO Tlangnuam Jennifer Vanlalhruaii Pachuau te an tel a. SVEEP member leh media nodal officer Emily Lalrinpuii’n editorial competition endik dan a sawifiah a ni.
Inthlan lam hawia editorial ziak tha thlan zingah The Aizawl Post
