Chief Electoral Office Mizoram hnuaia Media Cell chu addl. CEO H Lianzela kaihhruaiin an thukhawm.
Addl. CEO chuan inthlan puan a nih veleh tul angte bawhzui thuai a ngaih dawn avangin lo inhmakhua lawk vek a tul tih a sawi a. Inthlan felfai tak neih a nih theih nan election kaihhnawiha mipui hriat tulte media hrang hrang kaltlanga puan chhuah zung zung a pawimawh tih a sawi a ni.
Inthlan puan a nih veleha Media Cell anga chetlak dan tur hrang hrang an sawiho a. ECI-in inthlan a puan hnuah press conference koh nghal thuai a ngaih dawn thu leh hemi tura inpuahchah lawk tulte sawiho niin, mawhphurhna hrang hrang siam a ni a. Vote tla a that theih nan SVEEP awareness campaign kalpui kawnga pawimawh pawh sawi ho a ni bawk.
Inthlanpui atana Media Cell thukhawm
